#زي_النهاردة بمناسبة مرور ١٠ سنوات على ثورة ٣٠ يونيو
هل تعلم حضرتك انه بالورقة والقلم ان اللي عمله السيسي في العشر سنين دول أد اللي اتعمل في تاريخ مصر كله
اما مؤسسة كريدي سويس فبتقول لا انه قد اللي اتعمل في تاريخ مصر ٣ مرات!
وان صافي الثروة القومية ارتفع من ٥٠٠ مليار دولار الى ١٤٠٠ مليار دولار في احدث تقرير دولي ليها!
والمصدر في الصور
حضرتك مصر قبل ٢٠١٤ في تاريخها كله
مكنش عندها غير ٣٥ صومعة قمح بتخزن مليون وربع طن قمح يكفوا مصر ٣ شهور!
واليوم مصر بقى عندها ٧٥ صومعة بيخزنوا ٣.٦ مليون طن يكفوا مصر قرابة سنة كاملة!
قيس على ده كل القطاعات اللي عمله السيسي في ٨ سنين نفس اللي اتعمل في تاريخ مصر كله
ارصفة الموانئ كمثال اخر كانت ٣٥ كيلو اليوم ٧٥ كيلو
شبكة الطرق كانت ٢٤ الف كيلو بقت ٤٠ الف كيلو
قدرة انتاج الكهربا من ٢٠ جيجا ل ٤٠ جيجا
شبكة السكة الحديد كانت ٣٠٠٠ كم بقت ٦٠٠٠ بعد القطار الكهربي
ونفش الشيء في الغاز وتحلية المياة واستصلاح الاراضي والبنية التحتية!
كلها نماذج لما تبحث في الارقام تكتشف ان السيسي عمل قد اللي اتعمل في تاريخ مصر كلها
هل تعلم حضرتك ان ثروة مصر القومية او صافي اصولها كانت تقدر في ٢٠١٠ بحوالي ٥٠٠ مليار دولار وانهاردة تقدر بحوالي ١٥٠٠ مليار يعني ٣ اضعاف واحتلت المركز التلاتين في قائمة أغنى الدول!
ولسة بتسأل هو بيتحارب ليه؟!
في ناس بتقولك طيب بس من عشر سنين مكنش فيه غلاء زي دلواتي
هقولك حاجتين
اولا ساعتها لا كان في كهربا ولا بنزين ولا استقرار ولا امن وامان ولا احتياطي نقدي ولا استثمار ولا سياحة ولا تصدير ولا انتاج ولا مواصلات عامة محترمة ولا موانئ داخل التصنيف العالمي ولا ولا ولا
وكان في ارهاب وفيروس سي وطرق مكسرة وزحمة قاتلة وبلطجة ونظام اداري مترهل ومظاهرات فئوية و و و
ثانيا هل الغلاء ده عليا انا لوحدي
حضرتك ومرفق الصور
المانيا دخلت الركود وتم تخفيض تصنيف اقتصاد بريطانيا وامريكا!
هل ده بسبب السيسي والعاصمة الادارية وسوء الادارة!
اساسا لولا اللي عمله السيسي مكناش قدرنا نعدي من الوباء ثم الحرب الروسية ثم الازمة الاقتصادية اللي قصمت الدول الكبري
كنت عاوزها تعدي علينا بدون آثار بأمارة ايه؟!
بالمناسبة المليارات اللي اتصرفت على الاصول دي كانت ممكن متتصرفش
مين كان هيسأل عندنا كام صومعة قمح ولا كام رصيف في المواني
وكانت الفلوس دي اتصرفت على دعم الاكل او دعم سعر الدولار
لكن كان النتيجة اننا في المستقبل هندفع اضعاف الارقام دي وهنسيب لولادنا دولة فقيرة ضعيفة
احنا صحيح دفعنا كتير انهاردة لاننا دفعنا فواتير اجيال سبقونا وبنأمن الحياة لمستقبل عيالنا واحفادهم!
تعليقات
إرسال تعليق